şeyh galip

  • Şeyh Galip (Görünce şule-i ruyunda...)

    Görünce şu'le-i ruyunda dud pervane

    Yanardı nur-ı gama hem-çü ud pervane

    Gerektir encümen-i aşka bi dilan-ı hamuş

    0 bezme bülbül-i ateş -sürud pervane

    Kılup zebane-i şem'i piyale-i sahba

    Eder mahabete bezl-i vücud pervane

    Harir-i şu'leye tebdil edüp libas-ı teni

    Fenada anladı zevk-t hulud pervane

    Bedid gerdiş-i germinde halka-i tevhid

    Çeker sabaha dek ism-i Vedud pervane

    Bilen uzak dolaşur ateş-i mahabetten

    Güm etti kendüyi Galib çi sud pervane

  • Tard u Rekb (Yek nazrada kıldın ey yüzü gül)

    Yek nazrada kıldın ey yüzü gül

    Âyînemi âftâbe-i mül

    Geçdi bana neş'e-i tegafül

    Hem eyle hem eyleme tenezzül

    Dil hânesi cây-ı işretindir

     

    Bir şu'lesi var ki şem'-i cânın

    Fânûsuna sığmaz âsmânın

    Bu sîne-i berk-âşıyânın

    Sînâ dahi görmemiş nişânın

    Efrûhte-i inâyetindir

     

    Şeh-bâz dil oldu evc-perdâz

    Kim sayd-ı hümâya eyleyüb nâz

    Zülfünde de olmaz âşiyân-sâz

    Afv eyle ki ey şeh-i felek-tâz

    Perverde-i dest-i himmetindir

     

    Bir âleme olmuşum ki vâsıl

    Şeb-nemleri mihr ile mukabil

    Yok pertev-i mihre anda hâil

    Nezdîk ü ba'îdi özge menzil

    Kim firkatin ayn-ı vuslatındır

     

    Açıldı der-i harîm-i ma'nâ

    Bir sûret olur hezâr da'vâ

    Esrâr-ı hafî hep oldu peydâ

    Bildim ki bu cümle şûr ü gavga

    Gavgayı sever bir âfetindir

     

    Ey arş-kemâl ü meh-sitâre

    Olmak nola düşmen-i nezâre

    Galib sana oldu pâre pâre

    Bir hâne-harâb imiş ne çâre

    Dâm-ı reh-i mihr-i tal'atindir

     

    (Şeyh Galib)

Yukarı
Ramazan İlbay tarafından tasarlandı milliedebiyat.com | Destek Ramazan İlbay